Центарот на МЗТ Скопје, Тодор Гечевски е прогласен за најкорисен играч на 20.коло во регионалната кошаркарска АБА лига. Признанието МВП Гечевски го доби по остварените 37 индексни поени на саботниот натпревар против Унион Олимпија во Скопје, а на кој македонскиот претставник загуби со 87:76.
Гечевски го одигра речиси цел натпревар (39.минути) и имаше ефект од 26 поени со 80% успешност, седум скокови, три блокади и освоени топки.
Ова е првпат играч на МЗТ Скопје Аеродром да го добие ова признание.
Зад најдобриот кошаркар на македоснкиот шампион се пласираа: Терико Вајт од Раднички со 31 индексен поен, Франко Каштопил од Задар со 29 индексни поени, Игор Ракочевиќ (Звезда) и Марко Шутало (Широки) со по 27 индексни поени.