Светската фудбалска асоцијација (ФИФА) ја поништи победата над Луксембург изразена со резултат 5:1, а остварена на 26 мај во Генк.
Во образложението за ваквата одлука на ФИФА се наведува пречекорување на дозволениот број на измени во текот на пријателскиот натпревар.
Белгискиот селектор Марк Вилмотс на тој дуел изврши седум замени, додека правилникот на ФИФА дозволува шест резервни фудбалери да влезат како замена на пријателски средби.
Правилото на ФИФА Вилмотс го прекрши во 77. минута кога ја направи седмата измена.
По оваа одлука на Белгија ќе и бидат избришани рејтинг-бодовите заработени по победата над Луксембург.