ЕХФ Лига Европа: РК Еурофарм Пелистер посилен од Спортинг-Лисабон

Од:

Ракометарите на Еурофарм Пелистер потврдија дека во моментов се посилен и подобар тим од португалскиот претставник во Лига Европа, Спортинг кој синоќа во Битола беше совладан со 31:25 (14:13).

Спортската јавност во земјава и Европа препозна амбициозен македонски претставник кој го надигра Спортинг во две средби, а со пласманот на второто место во првиот дел од сезоната, Еурофарм Пелистер ги потврди и намерите во оваа ракометна конкуренција за напролет.

-Публиката ни даде енергија да издржиме и да победиме. Успехот е огромен затоа што продолжи серијата од пет последователни успеси во ракометната Лига на Европа, истакна Мартин Велковски на прес конференција во Битола.

Статистички најефикасни на средбата беа Јосип Периќ и Стипе Мандалиниќ со по 7 постигнати голови како и голманот Мартон Шекељи кој имаше 10 одбрани, а кај гостите од Лисабон, бекот Салвадор Салвадор 6 пати се запиша во листата на стрелци.

Во групата „Д“ на чело е француски Ним со 9 пред Еурофарм Пелистер со 8 бодови, и токму овие две екипи, в година на 15 февруари во Франција ќе одиграат дерби натпревар за престижното место во групата.

Би можело да ве интересира

ЕХФ го суспендираше Драган Начевски поради наводи за учество во „местење“ натпревари

Катерина Ѓуровски

ВИДЕО: Инциденти на ракометно дерби, прекинат натпреварот Вардар – Еурофарм Пелистер

Горан Наумовски

Александар Јовиќ нов тренер на РК Еурофарм Пелистер

Ана Ололовска

Еурофарм Пелистер без Ојлески и без Атанасијевиќ на дуелот против Мотор

Данецот Кисум нов ракометар на Еурофарм Пелистер

Пелистер го победи Мотор, на добар пат за осминафинале во Европската лига