Европската ракометна федерација (ЕХФ) реши да го откаже завршниот „Фајнал фор“ турнир од женската Лигата на шампионите за сезоната 2019/20, а со тоа и четвртфиналните мечеви.
Главната причина за ваквата одлука, според ЕХФ, е стравот за здравјето на ракометарките и тренерскиот персонал на екипите во екот на пандемијата на коронавирусот.
Турнирот требаше да се одржи во Будимпешта од 3 до 6 септември.
Одлуката за предвремено ставање крај на Лигата на шампионите оваа сезона нема да влијае на стартот на следната сезона. Првото коло од групната фаза од новата сезона е закажано за 12 и 13 септември. Ждрепката ќе се одржи на 1 јули.