Една компанија специјализирана за патувања на Олимписките игри нуди еднонеделен престој во Сочи во токот на Зимските олимписки игри за „само“ 16.000 евра.
Секако, овој аранжман е наменет исклучиво за елитната клиентела, пренесува рускиот весник „Ведомости“.
Пакетот опфаќа престој на една двојка во Сочи во хотел со четири ѕвездички, со дневни карти за натпреварувањата во уметничко лизгање и за церемонијата на затворање на Игрите.
Веќе сега сместувањето во Сочи за периодот на оддржување на Игрите – од 7 до 23 февруари 2014 година, е речиси распродадено, а навивачите се интересираат и за хотели што се оддалечени и до 50 километри од ова црноморско летувалиште.