Кошаркарите на актуелниот шампион на АБА лигата, Црвена Звезда, се на една победа од одбрана на титулата, откако вечерва во вториот финален натпревар ја совладаа Цедевита со 84:73.
Резултат по четвртини: 29:18; 28:16; 15:16 и 12:23.
За разлика од вчерашниот прв дуел, во кој гостите од Загреб водеа на почетокот, вечерва Црвена Звезда со сигурна игра од самиот старт на дуелот ја најави новата победа. На полувреме шампионот имаше водство од 57:34. Цедевита во вториот дел само го намали поразот.
Најефикасен на дуелот беше Чарлс Џенкинс од Црвена Звезда со 16 поени.
Следниот трет натпревар од финалната серија се игра в четврток во Загреб.