Кошаркарите на МЗТ Скопје, во третото коло го запишаа и третиот пораз во регионалната АБА лига. На гостувањето во Подгорица, МЗТ загуби од Будуќност со 89:66.
МЗТ, пред фаворитот, потклекна во првата четвртина, која Будуќност ја отвори с 12:2, а ја затвори со 23:10.
Добар период МЗТ имаше во втората четвртина, кога со серија 10:1 се доближи на шест поени негатива.
Сепак, Будуќност експресно ја врати двоцифрената предност и на крајот запиша убедлив триумф, втор во сезоната со еден проаз од Црвена звезда во Белград.
Бре Ајви и Еван Максвел постигнаа по 12 поени, а двоцифрен бепе и Дамјан Стојановски со 10 поени. Тре Бел-Хајнс со 21 поен беше убедливо најефикасен кај Будуќност.
Во наредното коло МЗТ ќе игра против Студентски центар.