Низ Европа додека трае летната пауза во домашните првенства, се играат неколку силни турнири, пријателски натпревари, како и Суперкуп дуели во матичните држави.
Во германскиот Суперкуп, синоќа во Дортмунд, Борусија со 4:2 го совлада шампионот Баерн Минхен. На клупата на Баварците неуспешно деби имаше шпанскиот стратег Пеп Гвардиола.
Супекупот во Холандија го освои Ајакс кој на „Амстердам Арена“ по продолженија го порази АЗ со 3:2. Основните 90 минути завршија 2:2.
Милан во четвртфиналето на егзибициониот турнир ја победи домашната Валенсија со 2:1. Робињо и Де Јонг погодија за Милан, Парехо намали на 2:1.
Пријателски натпревар во Гетеборг (Шведска) одиграа францускиот шампион Пари Сен-Жермен и шпанскиот гигант Реал Мадрид. Победата им припадна на мадриѓаните со 1:0, а стрелец на единствениот гол беше Карим Бензема во 23.минута.