Италијанскиот клуб Милан потврди дека нивниот фудбалер Џакомо Бонавентура ќе биде отсутен од теренот во следните девет месеци.
Отсуството на италијанскиот репрезентативец ќе следи по операциите на коленото.
– Сакаме да соопштиме дека Џакомо Бонавентура имаше успешна интервенција на неговото колено. Операцијата, извршена во Питсбург од хирурзите Фолкер Мусал и Фреди Фу, во присуство на медицинскиот персонал на Милан, беше успешна, а времето за рехабилитација ќе биде околу осум-девет месеци, се вели во соопштението на Милан.