Поранешниот селектор на француската фудбалска репрезентација Лоран Блан се договорил со шампионот Пари Сен-Жермен кој е во потрага по нов тренер, информира весникот Л’Екип.
Според оваа информација, двете страни сите детали околу договорот ќе ги објават кога ќе биде со потпис официјализирана соработката, а тоа нема да се случи се додека не се разјасни ситуацијата со актуелниот тренер на ПСЖ Карло Анчелоти.
Италијанецот очекува да седне на клупата на Реал Мадрид, но пречка е обештетувањето кое го бара францускиот шампион за предвремен раскин на договорот со Анчелоти, а кое Реал Мадрид се уште одбива да го плати.