Тренерот на Реал Мадрид Карло Анчелоти задоволен од пласманот во финалето на Светското клупско првенство, рече дека клучниот момент кој го решил победникот на синоќешното полуфинале со Круз Азул (4:0) се случил во 40.минута кога Касиљас одбрани пенал.
– Иако на многумина им се чинеше дека со 2:0 работата е завршена, тоа не беше така. Клучна за победата беше одбраната на Икер кој повторно не дозволи да биде совладан од пенал. Нашиот голман беше фантастичен, додаде италијанскиот стручњак.
Анчелоти ја коментираше и играта во нападот на неговиот тим.
– Добро функциониравме во офанзива. Роналдо не постигна гол но асистираше. Тој погодоците ги чува за финалето, истакна тренерот на Реал.
„Кралскиот клуб“ в сабота во Маракеш, Мароко ќе се бори за трофејот против поуспешниот од дуелот Сан Лоренцо – Оукленд Сити.