16 навивачи на Шкендија добија кривични пријави за инцидентот против Шкупи во Тетово

Од:

Поради присуство на фудбалски натпревар, влегување на терен и прекршување на мерките кои се пропишани за спречување на ширење на Ковид-19, тетовската полиција денеска поднесе пријави за 16 луѓе до Обвинителството.

Процедурата се однесува за навивачи на ФК „Шкендија“ од Тетово кои во неделата, на 16 мај, дошле на градскиот стадион за време на првенствениот натпревар со ФК „Шкупи“.

– Секторот за внатрешни работи Тетово ги идентификуваше и ги повика на службен разговор 16 лица навивачи од тетовскиот фудбалски клуб Шкендија, против кои во координација со Јавното Обвинителство-Тетово ќе поднесе соодветен поднесок. Тие на 16.05.2021 година влегле на теренот на стадионот во Тетово, додека бил во тек натпреварот помеѓу ФК Шкендија- ФК Шкупи и со тоа ги прекршиле правилата за навивање при одигрување на натпревар, како и мерките кои се пропишани за спречување на ширење на Ковид-19, информираат од СВР Тетово.

Од полицијата информираа дека на денот на натпреварот полициски службеници презеле соодветни мерки и активности, при што биле обезбедени услови за натпреварот регуларно да заврши.

Би можело да ве интересира

Навивачки нереди во Црна Гора: Хулигани упаднаа на теренот за време на дербито и го прекинаа натпреварот

Манчестер Сити и Реал играат за полуфинале во Лигата на шампионите

Словенците имаат нов највреден фудбалер – проценет на 40 милиони евра

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати

„Јас сум зависник од дрога и алкохол“

Борусија најмногу се радува на испаѓањето на Лајпциг

Предраг Петровиќ