Тренерот на фудбалскиот клуб Будуќност од Подгорица, Миодраг Вукотиќ е ранет синоќа, пренесува порталот Вјести.
Во Вукотиќ било пукано пред зградата во која живее. Тој итно бил пренесен во Ургентниот центар и засега нема подетални информации за неговата состојба.
Истрагата која е во тек треба да утврди кој и зошто пукал во Вукотиќ.
Тој во јуни ја презема екипата на Будуќност која заврши на третото место во првиот дел од првенството во Црна Гора.