Заразените со Ковид-19 во Хрватска нема да може да гласаат на избори

Од:

На први јули Изборната комисија на Хрватска делумно ги смени препораките за излез на гласање, но клучната одредба за забрана за гласање за оние кои се заразени со коронавирус остана и ќе биде во сила поради заштита на здравјето на граѓаните, соопштија хрватските власти.

Комисијата, исто така апелираше до граѓаните да ја измерат својата температура во недела наутро, и дека доколку имаат повисока од 37,2 степени и доколку имаат респираторни симптоми карактеристични за Ковид-19, треба да се јават кај својот матичен лекар.

„Секоја друга, поблага мерка што би се обидела да ја постигне оваа цел, би го загрозила здравјето на граѓаните и веруваме дека во овој случај не можеме да зборуваме за „понизок или повисок степен“ на штета за граѓаните“, велат од Комисијата во одговор на невладината организација, Гонг, која ја доведе во прашање уставноста на нејзината одлука за забрана на гласање од страна на оние заразени со коронавирусот.

Во одбрана на својата одлука, Комисијата соопшти дека нејзина обврска е да се обезбеди право на здравје на сите членови на избирачкиот одбор, како и на гласачите, и дека заштитата на членовите кои би контактирале заразените „не може да се обезбеди со маска и нараквици“, јавија хртаватски медиуми.

Инфицираните нема да можат да гласаат на парламентарните избори затоа што на нив им е изречена мерка – изолација, што вклучува забрана за физички контакт со други лица, вклучително и членови на избирачките места.

Би можело да ве интересира

Холандски генетичар открива зошто сè повеќе млади умираат од Ковид-19

А1он

Голем скок на новозаразени со Ковид-19 во Италија, најмногу од крајот на мај

А1он

Дневен преглед Ковид-19: Во државите од регионот по над 100 новозаразени за 24 часа

А1он

И во Италија ново жариште на коронавирус по враќањето на тинејџери од Хрватска

А1он

Во Грција 151 нов случај на Ковид-19, Владата воведува дополнителни мерки

А1он

Рекорден број новозаразени со коронавирус во Албанија, се вработува дополнителен медицински кадар

А1он