Вучиќ во Белград организира голем митинг за „Иднината на Србија“

Од:

Во Белград денеска со почеток во 18 часот ќе се одржи завршниот митинг на српскиот претседател Александар Вучиќ во рамки на неговата кампања „Иднината на Србија.

Како што јави дописникот на МИА од Белград, покрај Вучиќ, на митингот ќе говорат и претседавачот на Претседателството на БиХ, Милорад Додик, премиерката на Србија, Ана Брнабиќ, српскиот министер за надворешни работи Ивица Дачиќ и шефот на унгарската дипломатија Петер Сијарто. Најавено е и обраќањето на пензионираниот потполковник Драгутин Димчевски, кој е преставен како „херој од борбите на Кошаре“ во 1999 година на Косово.

Како што е најавено, Вучиќ ќе ги повика граѓаните од цела Србија да се обединат околу сите важни прашања за државата и народот, бидејќи „единството борбата за српските интереси, особено во Косово и во целиот регион, е од суштинска важност“.

Владејачката Српска напредна партија (СНС) очекува пред српското Собрание, каде ќе се одржи митингот, да се соберат над 100.000 граѓани од цела Србија.

Медиумите пренесуваат дека централните белградски улици од синоќа се затворени за сообраќај, а поради бројните возила и автобуси граѓаните се замолени да бидат во Белград до 14 часот.

Низ целиот град ќе бидат поставени видео бимови кои директно ќе го пренесуваат настанот.

Како што е најавено, до почетокот на официјалниот дел од собирот, од 16 часот ќе настапуваат Аца Лукас, „Рибља Чорба“ и Оливер Мандиќ.

За утре во Белград е најавен и митинг на опозицијата и тоа на истото место и во истото време.

Би можело да ве интересира

Мета: Албанија не може да биде дел од дијалогот Косово-Србија

Харадинај: Територијалните претензии на Србија го блокираа дијалогот Приштина – Белград

Дачиќ: Уште една држава го повлече признавањето на Косово

Харадинај: Дијалогот со Белград треба да продолжи, но без условувања и одлагања

Дачиќ: САД нема да го преземат водењето дијалог меѓу Белград и Приштина

А1он

Официјален Белград незадоволен од одлуката за Морина