Претседателот на Србија, Александар Вучиќ денеска во Собранието на Србија изјави дека како врховен командант нема намера да ги праќа нивните деца во војна, но дека ако нивниот народ, децата, татковците и мајките бидат нападнати, ќе има доволно сила да ги брани.
Тој истакна дека не сака ниту една мајка Србинка или Албанка да го врати детето во ковчегот.
Вучиќ рече дека кога станува збор за Косово, повторно се влегува во криза која не се знае како ќе се реши и побара од претставниците на Квинта многу трпение.
„Србите повеќе не можат да ја толерираат таа суровост“, рече Вучиќ, пренесе Танјуг.