На надлежната Комисија за јавна администрација, јавен ред и правда денеска ќе се разгледува новиот нацрт закон за азил што грчката Влада го достави до парламентот.
Новиот закон има 121 член и меѓу другото предвидува задолжително основно и средно образование на децата кои ќе добијат статус на меѓународна заштита; воведување казни за непочитување на законот, како што се правилата на работа на центарот во кој престојуваат; редефинирање на процедурите за доделување и одземање на статусот на меѓународна заштита и друго.
– Со нацрт законот за процедурите за азил, Владата се обидува да стави крај на неприфатливата состојба создадена за време на владеењето на СИРИЗА, на товар на цели области, но и на самите мигранти. Ги заштитуваме границите на земјата, ги забрзуваме процедурите за азил – со целосно почитување на правата на бегалците, но и со враќање на оние што немаат право на азил. Создаваме затворени центри и го намалуваме бројот на лица на нашите острови, напиша на социјалните мрежи, шефот на грчката дипломатија Никос Дендиас.