Контингент од 30.000 дози на кинеската вакцина Синофарм денеска пристигна во Црна Гора, а го пречека министерката за здравство Јелена Боровиниќ Бојовиќ и кинескиот амбасадор во Црна Гора, Лиу Џин.
U #CrnaGora upravo stigao kontingent od 30.000 doza kineske vakcine #Sinofarm ?, koje su u prostorijama Montefarma dočekali ministarka zdravlja Jelena Borovinić Bojović i ambasador NR Kine ?? u Crnoj Gori ?? Liu Đin.@MinZdravlja pic.twitter.com/sakjtdVDk2
— Vlada Crne Gore (@VladaCG) March 3, 2021
Црногорскиот премиер Здравко Кривокапиќ рече дека е потребно сите да бидат свесни за важноста од почитување на епидемиолошките мерки, со цел успешно надминување на проблемите предизвикани од пандемијата на коронавирусот.
Инаку, досега во Црна Гора пристигнаа 2.000 руски вакцини како донација од Србија, додека од Русија се набавени уште 5.000 дози.
Во првите пет приоритетни категории за вакцинација против коронавирус има 110 илјади луѓе, објавено е на веб-страницата covidodgovor.me.
Поради лошата епидемиолошка состојба, црногорскиот претседател Мило Ѓукановиќ вчера побара затворање на границите и забрзана имунизација, исто како и експертите од Институтот за јавно здравје.