Во црногорските лаборатории во изминатите 24 часа се направеи 2.174 тестирања за коронавирус, а 711 примероци биле позитивни, соопшти Институтот за јавно здравје во Подгорица.
Во изминатото деноноќие починале седуммина пациенти, соопштија здравствените власти.
Најмногу нови случаи се откриени во главниот град (418), а следуваат Бијело Поље со 42 и Никшиќ со 41 новозаразен.
Во земјата во моментов има 7.967 активни случаи на Ковид-19, од почетокот на пандемијата се заразија 24.865 луѓе, а 356 пациенти починаа.