Во центарот на Љубљана, кај Баварската палата, полицајци на специјалната единица онеспособија маж кој во рацете имаше два ножа.
Според снимката, полицијата со електрошокер се обиде да го онеспособи младиот човек, но безуспешно.
Полицијата нареди луѓето да не доаѓаат, но се собраа голем број луѓе и го набљудуваа инцидентот.
Пријавата ја добиле околу 15 часот и по пристигнувањето ја опколиле областа.
„Бараме сите да не се приближуваат до местото на интервенцијата и строго да ги следат упатствата на полициските службеници на лице место“, предупредија во моментот на инцидентот од љубљанската полиција, но и покрај ова, голем број луѓе се собраа на улицата да го набљудува сето тоа.
Ljubljana pic.twitter.com/KlGCTU8b70
— Uroš Leva (@leva_uros) March 13, 2024
На фотографиите се гледа човек кој држи нож и носи визир на лицето и руска јакна на грбот.
Мажот со ножеви ги нападнал полицајците, ги турнал и им се заканил. Човекот на крајот беше онеспособен дури од специјална единица и однесен со брза помош.
Поради инцидентот, отежнат е и патничкиот сообраќај во Љубљана, неколку лица беа принудени да останат во автобуси. Освен тоа, луѓето кои работеле во околните згради не можеле долго време да ги напуштат своите работни места.