Најмалку шест лица, меѓу кои и еден странски државјанин, загинаа, а десетици се повредени кога во понеделникот силно невреме го погоди најголемиот турски град Истанбул и околниот регион.
Две жени настрадаа во истанбулските области Есенјурт и Султангази, додека еден градежен работник загина кога врз него падна ѕид во северната провинција Зонгулдак. Едно лице загина во Кочаела додека се обидувало да го зацврсти покривот на куќата.
Настрада и една мајка додека се обидувала да го заштити својот син во Есенјурт. Двајцата наводно биле затрупани под урнатиот покрив, јави ТРТ. Жената починала на лице место, додека момчето е во болница.
VIDEO — Storm in Istanbul rips off roof, hitting people on the street nearby pic.twitter.com/f28aPLM3U2
— DAILY SABAH (@DailySabah) November 29, 2021
Сведок опишал дека мајката во последен момент се фрлила над детето во обид да го заштити, пред бурата да го урне покривот, пренесува Дејли Сабах.
Неповолните временски услови доведоа до еднодневен прекин на наставата во вторник во 11 провинции, вклучувајќи ја и 15-милионската метропола.
Властите во понеделникот упатија апел до граѓаните на Истанбул да не излегуваат надвор освен ако тоа не е неопходно поради опасност од згради што се уриваваат и преоптоварени патишта.
VIDEO — Extreme winds tear off roofs, topple over containers in Istanbul, as death toll rises to 3 with at least 9 injured pic.twitter.com/oGBaz047Xx
— DAILY SABAH (@DailySabah) November 29, 2021
Според турската метеоролошка служба, ветровите достигнале брзина од 130 километри на час во некои делови на Истанбул.