Најмалку 29 лица загинаа во пожар во зграда во Истанбул, кој се прошири од затворен ноќен клуб, јавуваат турските медиуми. Пожарот избувнал денеска околу 13 часот по локално време, а според првичните информации настанал од експлозија на бината. Сите служби се уште се на терен, а повеќе од 20 амбулантни возила ги превезуваат повредените во болниците.
❗️12 dead in Istanbul nightclub fire – NTV
Emergency crews are responding after a fire broke out in a renovated nightclub in a 16-storey Istanbul building, local media report.
Initial reports indicate 13 people were injured, 7 of them seriously. pic.twitter.com/uYzsl7AQ2X
— MOCez🇷🇺🇮🇶🇾🇪🇨🇳🇵🇰🇵🇸🇸🇾🇮🇷🇰🇵 (@Mousacisse1) April 2, 2024
Во ноќниот клуб „Маскарада“, кој се наоѓа на долниот кат од 16-катницата, која била затворена за Рамазан додека се реновирала, дошло до елсплозија. Со ширењето на пожарот, клубот и зградата се наполниле со чад. Оние кои во тој момент биле во клубот и зградата биле заробени внатре.
По пријавата на местото на настанот се испратени бројни пожарникари, брза помош и медицински екипи. На местото на настанот дојде и гувернерот на Истанбул Давут Ѓул.
„Мое сочувство до сите. Во инцидентот беа погодени вкупно 23 лица. За жал, 8 лица го загубија животот. 15 лица се повредени. Меѓу 15-те, 6 лица се полесно повредени. Нивниот идентитет се уште не е познат. Идентификацијата е во тек. Причината за пожарот не е позната. Станува збор за просторот кој се користел како дискотека под објектот. Беше во фаза на реновирање. Како резултат на реновирањето животот го загубија и вработени. На местото на настанот од првиот момент интервенираа нашите полициски, здравствени и противпожарни екипи. Лекувањето на повредените продолжува во нашите болници“, рече Ѓул.
Министерот за внатрешни работи Али Јерликаја, исто така, на платформата Х објави: “Почна истрага за пожарот што се случи во Бешикташ Гајретпе во Истанбул. Посакувам Божја милост за оние кои ги загубија животите и брзо закрепнување на повредените. Ќе продолжиме да споделуваме случувања на оваа тема со јавноста“.
За пожарот зборуваше и претседателот на градската општина Истанбул, Екрем Имамоглу: „Многу ни е жал што 8 наши граѓани ги загубија животите во пожарот во Гајретпе. Имаме 15 повредени, од кои 6 потешко. Посакувам Божја милост да нашите граѓани кои ги загубија животите и брзо закрепнување на нашите повредени“.
Тој додаде дека се работи за незаконска интервенција, бидејќи не е пријавено реновирање на клубот.
„Нема пријава за реновирање или градба. Тоа е простор што не се гледа бидејќи е два ката подолу. Нема поплаки. Направена е незаконска интервенција“, рече тој.
Обвинението е поднесено против вкупно пет осомничени, меѓу кои тројца службени лица, одговорниот управител и едно лице одговорно за реновирањето. Донесено е решение за притвор. Истрагата е во тек. постапувајќи во сите негови аспекти и педантно, рече министерот за правда Јилмаз Тунч.