Непознато лице синоќа фрли експлозивна направа врз Амбасадата на САД во Подгорица, а потоа со бомба се самоуби пред дипломатското претставништво.
Во инцидентот не е оштетен објектот, но сепак полицијата го блокирала булеварот пред Амбасадата на САД.
„Нападот се случи кратко по полноќ“, објави владата на Црна Гора на Твитер.
Во првото официјално соопштение за нападот се додава дека непознат човек изврши самоубиство со експлозивна направа, а дека пред тоа фрлил експлозивна направа во американската амбасада од раскрсницата во близина на спортскиот центар.
Притоа се додава дека направата фрлена во амбасадата најверојатно е кашикара.
По експлозијата Амбасадата на својата интернет-страница ги предупреди граѓаните да го избегнуваат реонот.
All visa services at the embassy are cancelled for today, Thursday, February 22. Interviews will be rescheduled as soon as possible. American Citizen Services will be available today on an emergency basis. #Podgorica #Montenegro pic.twitter.com/6cTprixgUe
— US Embassy Podgorica (@USEmbassyMNE) February 22, 2018
„Американската амбасада во Подгорица ги советува граѓаните на САД да ја избегнуваат амбасадата во Подгорица, бидејќи има активна безбедносна ситуација“, е соопштено на веб-страницата на американската амбасада во Црна Гора.
Мотивот за нападот се уште не е познат.