Пратеници на црногорскиот опозициски Демократски фронт (ДФ) денеска предизвикаа инцидент во Собранието на Црна Гора, навредувајчи го премиерот Мило Ѓукановиќ и обидувајќи се дури и физички да се пресметаат со него.
Како што јави црногорската државна телевизија РТЦГ, до инцидентот дошло за време на расправата за изборот на нови членови на Владата, кога пратниците на ДФ почнале погрдно да скандираат против Ѓукановиќ.
Според телевизијата, кога Ѓукановиќ пред Собранието почнал да ги образложува кандидатурите за нови министри, пратениците на ДФ станале од своите места и почнале да скандираат: „Мило, крадец“.
Поради ваквиот инцидент претседателот на Собранието Ранко Кривокапиќ ја прекина седницата, по што, како што јави ФЕНА, премиерот на навредите на опозициските пратеници одговорил: „браво кретени“.
РТЦГ јави дека по прекинот на преносот од собраниската седница, дел од пратениците на ДФ се обиделе и физички да се пресметаат со Ѓукановиќ.