ВИДЕО: Грчката војска спречи влез од Турција на речиси 10 илјади бегалци и мигранти

Од:

Во изминатите 24 часа, од шест часот наутро вчера до шест часот утрово, на грчка територија бил спречен влез на 9.972 лица од Турција во делот околу Еврос, а биле уапсени 73 лица, брифираат извори од грчката Влада за медиумите во Грција.

dobivaj vesti na viber

Според истите информации, оние кои нелегално влегле во Грција и биле уапсени се од Авганистан, Пакистан и Сомалија и немаат никаква врска со Идлиб.

Околу два часот по полноќ имало масовен и организиран обид на поголема група млади мигранти да влезат на грчка територија, нелегално, од дел каде што не постои ограда, а се наоѓа во близина на граничниот премин.

Половина час претходно, грчката полиција и грчката војска ги забележале мигрантите и успеале да го спречат нелегалниот влез.

Во текот на вчерашниот ден, имаше и инциденти, откако насобраните лица од турска страна фрлаа камења, солзавец, дрва, железа кон грчката страна.

Од рано утрово, на грчко – турската граница се министерот за одбрана Никос Панајотопулос и неговиот заменик Алкивиадис Стефанис.

Грчкиот весник „Катимерини“, доцна синоќа објави дека во група на апликацијата „Телеграм“, постои повик за собир во понеделник во 12 часот напладне во Истанбул со цел да се стигне до границата со Грција.

-Ги информираме, оние кои сакаат миграција во Европа. Во соработка со „Црвената полумесечина“, бродови и чамци се подготвуваат да префрлат мигранти до грчките острови доколку грчката Влада не ја отвори границата, пишува, според „Катимерини“, меѓу другото во пораката на „Телеграм“ испратена во група што има 1.080 членови.

Весникот коментира дека не познато кои се креаторите на групата, а споменувањето на „Црвената полумесечина“ може да е трик за повикот да биде поверодостоен.

Би можело да ве интересира

Грчката комисија за имунизација не препорачува масовна вакцинација против мајмунски сипаници, туку само во одредени случаи

Ана Ололовска

Втор случај на лепра во Грција

Грција ќе го плаќа рускиот гас во рубљи

Крајбрежната служба на Грција спречила над 590 лица со девет чамци да влезат во грчките територјални води

Британскиот турист во Грција има варичела, а не мајмунски сипаници

Катерина Павлова-Николовска

Сомнителен случај на мајмунски сипаници во Грција

Ана Ололовска