Во Плевен и Габрово се регистрирани првите два можни случаи на коронавирус во Бугарија, соопшти Народниот штаб за операции на итен брифинг, објави БГНЕС.
Двајцата пациенти – маж на 27-годишна возраст и жена на 75 години биле позитивни на нивниот прв и втор тест.
„Овие не се сигурни податоци и ние продолжуваме со последователните анализи. Примероците веќе патуваат во Софија“, изјави првиот човек на Воената медицинска академија и шефот на бугарскиот Национален штаб за коронавирус, Венцислав Мутафчииски.
МВР започна со утврдување на местото каде престојувале лицата и ќе бидат земени примероци од сите лица со кои контактирале, додаде Мутафчииски.
Мутафчииски на брифингот во 17 часот објави дека имало четири лица за кои се сомневало дека се заразени со коронавирус. Тој прецизираше дека се прават повторни тестови кај сите.