Васил Стерјовски во албанскиот Парламент: „Бугарскиот амбасадор во Тирана, ветил компјутери и барал изучување на бугарскиот јазик во Пустец“

Од:

Македонската заедница во Албанија, според пратеникот на „Македонска алијанса за европска
интеграција“, изминатите години, се соочува со растечки тренд и континуирани напори на бугарските власти да го асимилираат нашето малцинство.

„И тогаш, ние, како Македонска заедница во Албанија, остро протестиравме, реагиравме дека сме против негирање на правата и слободите на секоја личност, група граѓани или заедница, но во овој
случај не станува збор за бугарско малцинство! Такво малцинство во Албанија не постои! Укажавме и потврдивме дека се работи за егзистенција на македонското малцинство и дека признавањето на
бугарско малцинство значи геноцид за Македонците во Албанија. Истовремено, посочивме, дека Бугарија ќе го злоупотреби своето членство во Европската унија со цел да ја продлабочи горенаведената цел: Асимилација на македонската заедница во Албанија и создавање
непостоечка бугарска заедница“, рече Стерјовски.

Стерјовски посочи дека, пред две години, Албанија го донесе Законот за заштита на правата на малцинствата, предложен од Министерството за европа и надворешни работи.

Законот според пратеникот нотира постоењето на осум национални малцинства: Грците, Македонците, Власите, Србите, Црногорците, Бошњаците, Ромите и Египтајните.

„Во законот, не пишува каде живее ова малцинство во Албанија, но Бугарија повикувајќи се на овој закон, својата пропаганда ја насочи во регионите каде што традиционално живее автохтоното македонско малцинство во Албанија: Во областите Преспа, Голо Брдо и Гора, како и во селото Врбник во Деволската област“, истакна Стерјовски.

 

Би можело да ве интересира

Тема на средбата Мета-Манастирлиу била влошената состојба со пандемијата

А1он

Влошена состојбата со Ковид-19 во Албанија, претседателот не ја исклучува можноста да го свика Советот за национална безбедност

А1он

Во Албанија од Ковид-19 почина уште еден лекар

Ана Ололовска

Мажите во Албанија живеат пократко и емигрираат повеќе во однос на жените

А1он

Во Албанија заразени 110 деца со Ковид-19, најмалото е едномесечно бебе

А1он

Хоти и Рама на средбата во Тирана се договорија за три стратешки проекти

А1он