Две лица се уапсени во хотел во село Бањска кај Звечанско под сомнение дека нелегално поседувале оружје, соопшти косовската полиција.
В.д директорот на на косовската полиција за северниот регион Ветон Ељшани за новинарите изјави дека двајца хотелски работници биле уапсени откако, како што тврди, на паркингот на хотелот бил пронајден автомобил полн со оружје.
Тој додаде дека истрагата ќе покаже дали уапсените се поврзани со настаните во селото Бањска во неделата, каде имаше конфликт меѓу локалните Срби и косовската полиција, во која загинаа тројца Срби и еден полицаец.