Три деца од ромска националност загинаа минатата ноќ во пожар во белградската општина Нов Белград, јави Танјуг.
Како што соопшти началникот на Службата за вонредни состојби на Белград, Раде Милошевиќ, во пожарот изгорела барака од 20 метри квадратни, кој била изградена од картони и штици.
Млошевиќ додаде дека набрзо по избувнувањето на пожарот на местото пристигнале две противпожарни возила, но бараката веќе била целоно уништена „имајќи го предвид типот на градбата“.
Портпаролот на Брзата помош, Нада Мацура за Танјуг изјави дека загинатите деца биле на возраст од пет, седум и девет години.