Тачи: Ќе поднесам оставка ако се покрене обвинение од Меѓународниот суд за Косово

Од:

Косовскиот претседател Хашим Тачи вели дека во моментот кога Специјализираните комори за Косово, односно Меѓународниот суд за воени злосоторства во Косово, ќе го потврдат обвинението против него, веднаш ќе поднесе оставка од функцијата.

Во синоќешното интервју за телевизијата Т7, Тачи изјави дека, иако медиумите тврдат дека, како еден од основачите и водачите на Ослободителната војска на Косово (ОВК), е меѓу осомничените за убиството на над 100 цивили Албанци, Срби и други во текот и непосредно по војната во Косово во 1998-99 година, тој од обвинителите на суд во Хаг воопшто не бил прашан за ниту едно убиство.

Тој нагласи дека при неговото испитување не била спомната ниту наводната трговија со човечки органи и „жолтата куќа“ во близина на Кукеш во Албанија, за што во извештајот од декември 2010 година пишува специјалниот претставник на Советот на Европа за Косово, Дик Марти, а што беше повод за основањето на Трибуналот во Хаг.

– Во ниеден момент не сум прашан за трговија со човечки органи, иако тоа беше основата за формирање на Специјалниот суд. Не сум прашан за никаква жолта куќа, ниту пак за било какво убиство, изјави Тачи.

Тој нагласи дека нема намера повторно да се кандидира за претседател на Косово откако во мај идната година ќе му истече актуелниот петгодишен мандат.

Тачи не ја коментира најавата на поранешниот премиер, лидерот на Алијансата за иднината на Косово, Рамуш Харадинај дека ќе се кандидира за претседател на државата и рече дека за него е прифатлив секој кој што ќе биде изгласан од Собранието.

Би можело да ве интересира

Во Косово 186 заразени и двајца починати од Ковид-19 последните 24 часа

Тачи: Сега е време Косово да стане членка на Обединетите Нации

А1он

Харадинај има верба за коалициски договор околу новиот преседател на Косово

Жарко Настоски

ВИДЕО: Хоти не одговори дали ќе се воведат ПЦР тестови за влез во Косово

Жарко Настоски

Косовскиот премиер Хоти во посета на Скопје

Ана Ололовска

Вучиќ: Работите се покомпликувани од што си замислува Приштина

Жарко Настоски