Грчката полиција употреби солзавец и шок-гранати против стотиците демонстранти кои учествуваа во антифашистички протест и фрлаа по полицијата со молотови коктели и камења во атинското предградие Кeрaцини.
Судирите почнаа за време на антифашистиочки митинг на местото каде во ноќта спроти среда беше убиен 34-годишен маж, музичарот Павлос Фисос. Тој бил нападнат со нож од маж кој според полицијата, е член на неонацистичката Златна зора. Таа партија има 18 пратеници во парламентот и негира дека е поврзана со убиството.
Во протестите учествуваа над 5.000 луѓе. Околу 6.000 се собраа на две антифашистички пројави во Солун каде исто така имаше судири со полицијата која и таму употреби солзавец.
Околу илјада демонстранти се судирија со полицијата во градот Патра при што еден полицаец е повреден.
– Го повикувам општеството и институциите да реагираат, и повикувам на политичка волја за борба против таа одвратна појава. Сите сме должни да не дозволиме отворени врати за фашизмот, изјави претседателот на држаата Каролос Папуљас.