На самитот на Кина и 16 земји од средна и источна Европа во Будимпешта, Србија и Кина ќе потпишат договор за изградба на нов автопат.
Автопатот Е-763 во делницата Прељина – Пожега е долг 30,9 километри, а договорот е вреден вкупно 450 милиони евра.
– Новиот автопат ќе биде голем предизвик за српските и кинеските компании кои ќе учествуваат во оваа зделка бидејќи една третина од трасата ќе бидат мостови и тунели. Овој автопат има големо значење за поврзувањето на Србија и регионот бидејќи претставува продолжување на автопатот кон границата со Црна Гора, но е и дел од идниот автопат Белград – Сараево, бидејќи од Пожега остануваат да се изградат уште 6 километри до границата со Босна, изјави Михајловиќ.