Светските лидери, кои се собраа на средбата на врвот на Г-20 во Турција, не разговараа за можноста за копнена воена операција во Сирија, ниту пак Турција планира да преземе слична офанзива, изјави турскиот министер за надворешни работи Феридун Синирлиоглу.
Тој рече дека ќе бидат преземени нови мерки за безбедност против „Исламска држава”, но не даде повеќе детали, и додаде дека Турција споделувала разузнавачки информации со сојузниците непосредно по нападите во петокот во Париз, за кои одговорноста ја презеде ИД.
Синирлиоглу изјави дека сирискиот претседател Башар ал Асад да се појави на какви и да е избори во Сирија „не е опција”.