Шестмина турски војници се повредени денеска при експлозија на бомба, поставена на пат од бунтовници на Курдската работничка партија (ПКК) во југоисточниот дел на Турција.
Експлозијата се случила на пат во близина на градот Силван, населен главно со Курди, каде турските власти воведоа полициски час поради борбите меѓу безбедносните сили и курдските бунтовници.
Минатата недела ПКК го прекина временото еднострано примирје, кое го објави со цел да се намали тензијата пред одржувањето на парламентарните избори на 1 ноември. Владата го отфрли примирјето, нагласувајќи дека ќе ја продолжи борбата против ПКК, се додека бунтовниците не го предадат оружјето и не се повлечат од Турција.