Шефот на руската дипломатија Сергеј Лавров утре ја почнува посетата на Словенија и на Србија.
Во Љубљана, Лавров ќе има средби со словенечкиот државен врв и ќе потпише меморандум за основање на Меѓународен центар на Втората светска војна, по што, на покана на шефот на српската дипломатија Ивица Дачиќ, утре вечер ќе пристигне во Белград.
За време на дводневата посета на Србија, како што јави дописникот на МИА од Белград, Лавров ќе се сретне со српскиот претседател Александар Вучиќ, премиерката Ана Брнабиќ и шефот на дипломатијата Ивица Дачиќ, со кои ќе разговара за билатералните односи, економската соработка, состојбата на Западен Балкан и Косово.