Советот за безбедност на ОН денеска ќе одржи седница посветена на ситуацијата во Косово, на која ќе присуствуваат српскиот и косовскиот премиер Александар Вучиќ и Хашим Тачи.
Шефот на УНМИК Фарид Зариф на седницата на СБ на ОН ќе поднесе редовен тримесечен извештај до Генералниот секретар на ОН Бан Ки-мун за ситуацијата во Косово.
Седницата на СБ на ОН првично беше предвидена да се одржи на 13 ноември.
Во најновиот извештај Генералниот секретар на ОН изрази загриженост поради политичкиот застој во Приштина и ги повика косовските лидери да ги зголемат напорите за изнаоѓање решение и што побрзо да продолжи дијалогот со Белград.
Бан нагласи дека сеагшната генерација лидери мора да продолжи со историскиот процес на нормализирање на односите меѓу Белград и Приштина, да го прифати минатото и ги искористи можностите што ги нуди Договорот за стабилизација и асоцијација со ЕУ.