Претставниците на Белград и Приштина денес во Брисел ќе продолжат со преговорите за примена на договорот за нормализација на односите на двете страни.
Главни теми се решавање на прашањата за полицијата и правосудството во рамките на идните заедници на српските општини.
Преговорите би требало да ги опфатат и прашањата за енергетика и телекомуникации.
Рок за изнаоѓање решенија за тие прашања, според план на договорот е 16 јуни.
Во Српскиот тим се министерот за правда, Никола Селаковиќ, советникот на претседателот на Србија Марко Ѓуриќ, шефот на владината Канцеларија за Косово и Метохија Александар Вулин , генералниот секретар на владата Вељко Одаловиќ и други официјални лица.
Според косовски извори, приштинскот тим го предводи потпретседателката на владата Едита Тахири.
Во преговорите посредуваат официјални лица на Европската комисија.
Елена Георгиевска