Природниот гас во Бугарија за април поскапува за повеќе од 25 отсто, одлучи Комисијата за регулирање на вода и електрична енергија.
Главната причина е зголемувањето на цените за испорака на меѓународните пазари, пренесе БНТ.
Како што јави дописникот на МИА од Софија, поради новото поскапување на гасот, во мај поскапуваат и парното и топлата вода.
Од 1 април падна мораториумот на цената на струјата, водата и парното. Според државната комисија, најавеното поскапување е за половина помало од првично објавеното од Булгаргаз 58 проценти. Причината за промената е остриот скок на меѓународните пазари.
Поскапувањето на природниот гас во Бугарија се очекува да влијае на цените на парното и струјата. Додека за струјата промената се очекува во јули, за греење најверојатно ќе се случи во мај.
Извор: МИА