Постојат веродостојни извештаи дека Русија се обидела да се вмеша во минатогодишните избори во Црна Гора, изјави анонимен висок претставник од Белата куќа.
– Многу сме загрижени поради мешањето на Русија во изборите во Црна Гора во октомври минатата година, истакна американскиот висок претставник.
Неговата изјава е дадена во момент кога претседателот на САД, Доналд Трамп се подготвува за состанок со генералниот секретар на НАТО, Јенс Столтенберг.
Тој нагласи дека членството на Црна Гора во Алијансата ќе ја зголеми стабилноста и безбедноста на Западен Балкан.