Потврден новиот состав на Советот на министри на БиХ

Од:

Претставничкиот дом на Парламентарното собрание на Босна и Херцеговина денеска го потврди назначувањето на новиот состав на Советот на министри, со што БиХ доби влада речиси пет месеци по одржувањето на општите избори.

Пратениците на итната седница со една точка на дневен ред ја потврдија одлуката на претседавачот со Советот на министри на БиХ, Борјана Кришто, за именување министри, заменици министри и заменик-претседател на Советот на министри на БиХ.

За министри гласаа вкупно 23 пратеници, а за просто мнозинство и потврда беа доволни 22 гласа. Против беа 19 пратеници, а воздржани немаше.

Пратениците на денешната седница го потврдија именувањето на Елмедин Конаковиќ (Народ и правда -НиП) за министер за надворешни работи на БиХ, Зоран Тегелтија (Сојуз на независни социјалдемократи – СНСД) за министер за финансии и трезор, Сташа Кошарац (СНСД) за министер за надворешна трговија и економски односи, Давор Буноза (ХДЗ) за министер за правда, Едина Форте (Наша странка) за министер за транспорт и врски, Дубравка Бошњак (ХДЗ) за министер за цивилни работи, Ненад Нешиќ (Демократска народна партија – ДНС) за министер за безбедност, Зукан Хелез (СДП) за министер за одбрана и Севлид Хуртиќ (Зелени БиХ) за министер за човекови права и бегалци.

Заменици на претседавачот со Советот на министри на БиХ ќе бидат Зоран Тегелтија и Зукан Хелез.

Од крајот на војната во БиХ и потпишувањето на Дејтонскиот мировен договор во 1995 година, никогаш не била составена нова влада толку брзо по изборите.

Министрите прво беа потврдени од ЦИК на Босна и Херцеговина, потоа поминаа проверки на Државната агенција за истраги и заштита -СИПА, по што нивните назначувања дојдоа во Собранието.

Изор: МИА

Би можело да ве интересира

Во дел од Босна и Херцеговина прогласена епидемија на морбили

А1он

ВИДЕО: Силен земјотрес од 4,9 степени ја погоди Босна и Херцеговина

Катерина Ѓуровски

Земјотреси во Хрватска и во Босна

Апсења за тероризам во Сараево

Ужас во Босна: 14-годишник заклал шест кучиња

ВИДЕО: Син на пратеник уапсен за убиството на полициски инспектор во БиХ

Катерина Ѓуровски