Поранешниот претседател на сојузната држава Србија и Црна Гора Светозар Маровиќ, обвинет за корупција и злоупотреба на власта, беше ослободен денеска од притвор откако ја призна вината и склучи договор со обвинителството, јавува Танјуг.
Маровиќ, кој е висок функционер во владејачката Демократска партија на социјалистите се согласил да признае пред обвинителството каде отишле 15 милиони евра, со кои криминалната група раководена од него, ја оштетило општината Будва, и да одлежи казна затвор од најмалку четири години.
Црногорските медиуми јавуват дека Маровиќ всушност признал дека раководел со криминална организација која правела проневера со државни пари.
Според обвинителстовто, Маровиќ (60), кој е приведен во декември минатата година, го искористил политичкото влијание, со цел да го олесни купувањето на терен во Будва од претпријатиле кое било во сопственост на неговиот син Милиш. Вмешан е и во изградба на бизнис-центар во нетранспарентни услови.
Во рамките на аферата беа приведени и синовите на Маровиќ, Милош и Драган, кои исто така се договориле со обвинителството да бидат ослободени од притвор.
Здравствената состојба на Маровиќ, кој веќе пет месеци е во притвор, е значително влошена и се претпоставува дека тоа е главната причина да се договори со обвинителството. Во писмена изјава тој признал дека организирал криминална група од околу 30 лица, ги посочил нивните улоги, нивниот начин на дејствување и како ги изнеле парите од земјата. Новото во документот е тврдењето на Маровиќ дека и самиот тој бил измамен во оваа корупциска шема и не тој не ги зел парите.