Бројот на денови со високи температури во континенталниот дел на Грција се очекува да се зголеми за 40 денови до 2100 година поради климатските промени, предвидуваат научниците од Институтот за истражување на животната средина, објави грчкиот весник „Вима“.
Според научниците, зимските врнежи ќе се намалат за околу 30 проценти, а периодот на суша ќе се зголеми за еден месец, а со тоа ќе се зголемат и деновите со зголемен ризик од пожари.