Најмалку 22 имигранти, вклучувајќи четири деца, се удавиле утрово крај југозападните брегови на Турција, откако чамецот, со кој сакале да стигнат до грчкиот остров Кос, потонал, јавија турски медиуми.
Турската крајбрежна стража успеала да спаси 211 лица, чија националност не се соопштува. Илегалните имигранти се наоѓале на чамец, што пловел од реонот на Датча.
Продолжуваат операциите за пронаоѓање и на други преживеани.
На дрвениот чамец долг 20 метри имало околу 250 бегалци.
Се смета дека 72 имигранти загинале во последните неколку дена во обиди да преминат од турскиот брег до грчките острови, соопшти Меѓународната организација за миграција.