Во Турција повеќе од пет милиони луѓе ја примиле првата доза на вакцина против коронавирус, развиена од кинески Синовак-Биотек, како дел од кампањата што започна пред еден месец, соопшти Министерството за здравство.
Анкара започна да вакцинира на 14 јануари со вакцинирање на здравствените работници и повозрасните лица. До денеска, повеќе од 5,2 милиони луѓе примиле барем една доза од вакцината. Од нив, околу 900.000, вклучително и високи државни службеници, добија и втора доза.
Турција, која има над 38 милиони жители, има намера да ги вакцинира наставниците подоцна во текот на месецот, пред отворањето на училиштата во целата земја на 1 март.
Претседателот Тајип Реџеп Ердоган рече дека ќе започне постепено враќање во нормалниот живот во март, од провинција во провинција.
Повеќе од 2,6 милиони луѓе беа заразени и околу 27.000 лица починаа во Турција, а во декември беше воведеб „локдаун“ за време на викендите, ноќен полициски час и други мерки.
И покрај брзата програма за вакцинирање, дневно се заразуваат помеѓу 6.000 и 8.000 луѓе.