Судот во Пакистан и официјално го обвини поранешниот воен владар Первез Мушараф за поврзаност со убиството на поранешната премиерка Беназир Буто.
Јавниот обвинител изјави дека Мушараф ги отфрлил сите точки од обвинението.
Новинските агенции јавија дека пред судот во Равалпинди поради опасност од немири, биле распоредени стотици полицајци. Претходното рочиште беше одложено поради оценката дека тоа ќе било опасно за Мушараф.
Беназир Буто беше убиена во Равалпинди за време на кампањата за парламентарните избори во декември 2007 година.