Властите во Бугарија денес најавија продолжување на вонредната состојба во земјата поради новиот рекорден број на починати од коронавирус, пренесе националната телевизија НОВА.
Во последното деноноќие во Бугарија од Ковид-19 починаа 18 лица, додека 65 се наоѓаат во интензивните одделенија поради влошена здравствена состојба. За 24 часа, во земјата беа потврдени 99 нови случаи.
Бугарскиот министер за здравство Костадин Ангелов смета дека продолжувањето на мерката е оправдана сооглед на новонастаната ситуација.
Како што рече министерот, мерката треба да трае до крајот на септември, а извештајот заедно со предлогот ќе биде доставен до Владата, во среда.
„Вонредната состојба ќе биде продолжена. На состанокот на Владата, што најверојатно ќе се одржи утре, ќе доставиме извештај во кој се бара продолжување на вонредната состојба до крајот на септември“, рече тој.