Мицотакис обвинет за следење на разговорите на лидерот на опозициската ПАСОК

Од:

Грчкиот премиер Кирјакос Мицотакис во текот на денешниот ден се очекува да излезе со изјава и став во однос на случајот со прислушкувањата во Грција, по оставките во петокот на Директорот на Националната служба за разузнавање на Грција (ЕИП) и генералниот секретар на грчката Влада, но и откако целиот случај е во фокусот на грчката јавност, а опозициските партии сметаат дека главната одговорност ја има токму Мицотакис, јави дописничката на МИА од Атина.

dobivaj vesti na viber

Оставката на првиот човек на ЕИП, Панајотис Кондолеон дојде по, како што соопштија од кабинетот на грчкиот премиер, „погрешните постапки во процесот на легалните следења“, односно во законското прислушкување, по добиено одобрение од Обвинителството, на мобилниот телефон на лидерот на ПАСОК- Движење на промена Никос Андрулакис, но без при тоа, според Владата, да биде информиран самиот премиер во чија надлежност е службата.

Портпаролот на грчката Влада Јанис Иконому, говорејќи утрово за телевизијаτа „Скај“, истакна дека ако Мицотакис знаеше за следењето на Андрулакис, „тоа немаше да се случи“ и затоа беше отстранет директорот на ЕИП и беше преземена политичка одговорност, додаде дека грчкиот премиер, во неговата изјава „детално ќе се осврне на случајот и ќе опише како Владата му пристапува на прашањето и како ќе се справи со тоа“.

Лидерот на ПАСОК-КИНАЛ Никос Андрулакис синоќа рече дека неговиот мобилен телефон бил следен од ЕИП, а во исто време имало и обид да се хакира со софтверот „Предатор“, истакна дека единствено одговорен е Мицотакис и побара одговори од грчкиот премиер.

-Господинот Мицотакис, кој со сопствена одлука ја префрли ЕИП во негова директна и ексклузивна јурисдикција, кој ја смени институционалната рамка за да може да биде назначен неговиот избраник, Контолеон, мора да даде конкретни одговори: Зошто бев следен? Во чија сопственост е и за чија сметка се користи шпионското „супер оружје“ „Предатор“ во Грција на товар на политичарите и новинарите за да соберат материјал за уцена?, праша Андрулакис.

Од друга страна, опозициската СИРИЗА уште во саботата, коментираше дека „грчкиот „Watergate“ го има потписот на Мицотакис“ и побара премиерот да си поднесе оставка.

Двете опозициски партии побараа формирање истражна комисија во грчкиот Парламент за истрага на политички одговорности во случајот, а Владата одговара позитивно на ова барање.

Во грчките медиуми се појавија информации дека следењето на Андрулакис било по барање на странска служба, споменувајќи ги Ерменија и Украина, меѓутоа двете земји, преку нивните амбасади во Грција, најостро и категорично ги демантираа овие натписи.

Извор: МИА

Би можело да ве интересира

Мицотакис: Отровот во зборовите на турското раководство не допира до народот

А1он

Мицотакис: Време е Европа да воведе плафон на цените на природниот гас

А1он

Мицотакис: Турција е сама, наспроти ги има не само Грција, туку и цела Европа и нашите сојузници во НАТО

А1он

Мицотакис: Се соочуваме со невидена енергетска криза

А1он

Мицотакис до Ердоган: Силеџиство јок со Грција

Курти за „Ла Република“: Постои опасност од нова војна меѓу Косово и Србија

А1он