Многу жители на српскиот град Смедерево денеска побарале лекарска помош поради симптоми на труење со храна, објави Б-92, наведувајќи дека бројот на затруени, во зависност од изворите, се движи меѓу неколку десетини па до двесте.
Директорот на градската болница, Горан Куљанин, изјави дека се згрижени 48 лица, вклучувајќи две бремени жени. Лицата што се жалеле на повраќање, дијареја и мачнина рекле дека преходно јаделе плескавици и пица во разни места во градот.
На детското одделение биле примени вкупно 16 пациенти. Никој од нив не е во тешка состојба, а повеќето се пуштени на домашно лекување.