Косовскиот премиер Албин Курти соопшти дека во нападот на косовската полиција утринава во три часот по полноќ во селото Бањска во Лепосавиќ убиен е еден полицаец, а друг е повреден.
Како што наведе, загинал полицаец со чин наредник, а повреден е припадник на граничната полиција.
„Напаѓачите се професионалци со маски и вооружени со тешко оружје. Го осудуваме овој криминален и терористички напад. Организираниот криминал со политичка, финансиска и логична поддршка на официјален Белград ја напаѓа нашата земја“, рече Курти.
Тој додаде дека криминалците и нивните команданти ќе бидат фатени, осудени и казнети.
„Владата на Република Косово и државните институции се подготвени и обединети да одговорат на криминалот и криминалците, теророт и терористите. Косовската полиција го известила семејството на убиениот полицаец А.Б. Повредениот полицаец е надвор од животна опасност“, соопшти Курти.