Припадници на Специјалната единица на косовската полиција насилно влегле во просториите на фабриката за алат „Лола“ во Зубин Поток и во тек е претрес на овој објект и просторот на фабриката, дознава Косово онлајн.
Специјалците прво го опколија просторот на фабриката, повеќе од 50 од нив, а потоа упаднаа и моментално се во зградата.
Во фабриката немало никој во моментот на полициската рација, оваа фабрика не работи со години.
Засега не се знае што бара полицијата.
Рацијата во фабриката „Лола“ во Зубин Поток се случи само еден ден откако генералниот секретар на НАТО, Јенс Столтенберг, изјави дека за секоја акција на специјалните единици на косовската полиција на северот на Косово потребна е координација со КФОР.